168
REGISTRES DU BUREAU
[i57o]
n'est de vous dire que nous avons esté fort satisfaictz de la bonne devotion que vous avez de vous accommo­der à ce que nous desirons de vous, pour le regard des cinquante ung mil livres qui ont esté cy devant venduz à l'Hostel de nostredicte bonne Ville, sur la traicte foraine d'Anjou, ce que nous vous prions de faire selon que le vous dira de nostre part led. Perrot, et aussy de donner ordre au prompt recouvrement de la somme de soixante mil livres pour la solde des cinquante mil hommes, delaquelle nous avons faict estat, pour estre employée à noz pressez et urgens
affaires, ne vous pouvant exempter du paiement d'icelle, en quelque sorte que ce soit, non plus que beaucoup d'autres villes, lesquelles ont receu de grandes pertes et dommaiges, ainsy que nous l'avons plus particuliairement declairé aud. Perrot, que vous croirez de ce qu'il vous dira sur ce de nostre part, comme feriez nous mesmes.
"Donné à Argentan, le xv0 jour de Juing 1570.d
Signé:" CHARLES -n.
Et au dessoubz : k Brulart n.
CCCI. — [Convocations] à cause de 60,ooo livres demandées par le Roy à la Ville.
17 et 19 juin 1570. (Fol. 222 r°.)
k #e par les Prevost des Marchans et Eschevins de la ville de Paris.
"Sire Nicolas Paulmier, Quartenier de lad.Ville, appellez deux notables bourgeois de vostre quartier, et vous trouvez tous mardy prochain, à une atten­dant deux heures de relevée, en l'assemblée gene­ralle qui se fera en la grand salle de l'Hostel d'icelle Ville, pourentendre Ia volunté du Roy, pour raison de la somme de soixante mil livres tournois qu'il demande à lad. Ville(1'. Si n'y faictes faulte.
" Faict au Bureau, le xvii" jour de Juing m.vc lxx. -d
Pareilz mandemens, aux fins que dessus, ont esté
expédiez aux autres Quarteniers de lad. Ville, chas­cun pour son regard.
"Monsr le Premier President, plaise vous trouver demain, àune attendant deux heures de relevée, en l'assemblée generalle qui se fera en la grand salle de l'Hostel de ceste Ville, pour entendre la vo­lunté du Roy, pour raison de la somme de soixante mil livres tournois qu'il demande à lad. Ville; vous priant n'y voulloir faillir.
"Faict au Bureau, le xixe jour de Juing 1570.15 Pareilz mandemens, aux fins que dessus, ont esté expédiez à mess" les autres Conseillers de lad. Ville, chacun pour son regard.
CCCII. — Pour faire perquisition des vacabondz et étrangers.
19 juin 1570. (Fol. 222 v°.)
« #e par les Prevost des Marchans et Eschevins de la ville de Paris.
"Il est ordonné et très expressement enjoinct aux Collonnelz de lad. Ville que, appellez les cappi­taines et dixiniers chacun de sa dixaine et tel nom­bre de bourgeois qu'ilz adviseront, ilz facent per­quisition et recherche bien exacte des vaquabondz, estrangiers et autres logez en ceste Ville et faulx­bourgs ès hostelleries, chambres garnies et ailleurs. Et à ces fins, se informeront du nombre de leurs
chevaulx, armes et occasion de leur séjour, sans passer oultre, sinon que desd, recherches et perqui­sitions ilz facent le procès verbal, et icelluy nous envoient dedans demain,pour en envoyer la coppye au Roy, affin de certiffier Sa Majesté de l'estat de cestedicte Ville, et y estre pourveu, ainsy qu'il verra bon estre; et qu'ilz facent tousjours bonnes et seures gardes ès portes, en contraignant à y aller ceulx qui y sont tenuz, suivant les ordonnances, et ès jours pour ce destinez, sans à ce faire faulte.
"Faict au Bureau, le xixc jour de Juing 1570.»
'" C'était la part de la Ville dans l'imposition établie pour Ia solde et l'entretien de 5o,ooo hommes de pied. Dès le 6 mars précé­dent, le Prévôt de Paris avait reçu mission de procéder à la répartition et levée de cet aide sur les villes et gros bourgs de la Prévôté, en se conformant strictement à ce qui avait été fait l'année précédente. (Voir ci-dessus le n° CCXIV, sous la date du 20 juillet 1569). Lettres patentes données à Angers, accompagnées de lettres missives adressées audit Prévôt, de Duretal, le i5 mars 1570, pour le même objet. (Arc/lives nat., Bannières du Châtelet, Y 12', fol. 257, -58.)